Qararǵa bola, «Uzagrostar xolding» kompaniyası juwapkershiligi sheklengen jámiyet tárizinde shólkemlestiriledi.

Sırtqı hám ishki bazarlarda talap joqarı bolǵan awıl xojalıǵı ónimleri kesiminde bazalıq hám qamtıp alınatuǵın rayonlardı belgilew hám bul aymaqlardaǵı máhállelerde ónim jetistiriwdiń qánigelesiwin tereńlestiriw boyınsha Xolding kompaniya menen birgelikte qánigelesken kompaniyalar shólkemlestiriledi.
Onda bazalıq rayonlar qánigelesken kompaniyalardıń tiykarǵı jumısı ushın oray bolıp esaplanadı.
Xalıqtıń qıytaq jerlerinde hám diyqan xojalıǵı jer maydanlarında ónim jetistiriw boyınsha qánigelesiwdi xoshametlew maqsetinde tómendegi qarjılay qollap-quwatlaw instrumentleri engiziledi:
– júzim qálemshesin shpalerge ótkeriwge hár bir shpalerge 15 mıń sumǵa shekem subsidiya beriledi;
– qıytaq jerdegi baǵlardı jańalawǵa «in-vitro» nál satıp alıw qárejetiniń 50 procenti qaplap beriledi;
– 2025-jılı miywe-ovosh ónimlerin jetistiriw hám olardı satıp alıwǵa ajıratılatuǵın jeńillikli kreditlerge 1 trillion sum qaratıladı.
Qararǵa bola, 2025-jıl 1-martqa shekem «Uzex Agro» elektron sawda platformasında xalıqtıń qıytaq jerleri hám diyqan xojalıqları jer maydanlarında jetistirilgen ónimlerdi tikkeley sırtqı bazarlarǵa satıw imkaniyatı jaratıladı.
2025-jılı Asaka, Kitap, Baxmal, Xatirchi hám Ferǵana rayonlarında, 2026-jılı bolsa awıl xojalıǵına qánigelesken jáne keminde 5 rayonda kishi logistika orayları, sonıń ishinde, sıyımlılıǵı 100 tonnadan az bolmaǵan muzlatqıshlı sıyımlılıqlar, tuqım, nál, ximiyalıq qurallar hám mineral tóginlerdi tarqatıw orayları qurıladı.
Qıytaq jer hám uzaq múddetli ijaraǵa berilgen jer maydanları iyelerine onlayn másláhát hám maǵlıwmat alıw, qarjı xızmetlerin paydalanıw hám ónimlerdi satıw boyınsha birden-bir xızmet kórsetiw hám monitoring etiw platforması iske túsiriledi.
Platformada diyqanlarǵa jetistiretuǵın ónimniń 70 procentine shekem muǵdarda jeńillikli onlayn kredit ajıratıw sisteması iske túsiriledi.

ÓzA