Koreya Xalıqaralıq densawlıqtı saqlaw fondı (KOFIH)nıń shólkemlestiriwinde usı jıldıń 16-20-fevral kúnleri Yonsey universiteti wákillerinen dúzilgen delegaciyanıń Ózbekstanǵa saparı rejelestirilgen bolıp, usı delegaciya aǵzaları menen Qaraqalpaqstan Respublikası Densawlıqtı saqlaw ministrliginde ushırasıw shólkemlestirildi.

Bul ilaj Densawlıqtı saqlaw ministrligi hám KOFIH arasındaǵı 2024-2027-jıllarǵa arnalǵan Ózbekstan Respublikasında emlewxanaǵa shekemgi bolǵan qıstawlı medicinalıq járdemniń potencialın bekkemlew joybarı sheńberinde ámelge asırılmaqta.
Maqset – medicina xızmetkerlerine bolǵan zárúrlikti bahalaw hám qıstawlı medicinalıq járdem sistemasın rawajlandırıw boyınsha konsalting joybarın baslawǵa tayarlanıwdan ibarat.
Ushırasıwda usı máseleler dodalanıp, ámeliy járdem beriw boyınsha ilajlar kelisip alındı.

Á.Jiyemuratov,
Qaraqalpaqstan xabar agentligi