Venesuela – AQShtıń dushpanı. Aq úy basshısı Donald Tramp jurnalistler menen ushırasıwda usınday bayanat berdi.

«Nege olar (AQShtıń burınǵı prezidenti Jo Bayden hákimiyatı xızmetkerleri) dushpan menen baylanıs ornatıp, oǵan milliard-milliard dollarlardı berdi?», – dep ortaǵa soraw tasladı Tramp.
Trampqa bola, áyne Baydenniń dáwirinde AQSh milliardlaǵan dollarǵa Venesueladan neft satıp alǵan.
Maǵlıwmatlarǵa qaraǵanda, usı jıl yanvar ayınıń aqırında Venesuela prezidenti Nikolas Maduro Karakasta AQShtıń arnawlı elshisi Richard Grenell menen ushırasqan. Maduro arnawlı elshini rásmiy rezidenciyası – Miraflores sarayında qabıllaǵan. Maduro Tramptıń wákiline «Nolinshi kún tártibi»ne ótip, Venesuela hám Qurama Shtatlar qatnasıqların jańadan baslawdı usınıs etken.

Qaraqalpaqstan xabar agentligi