Ózbekstan sırtqı isler ministri Baxtiyor Saidov, 18-fevral kúni Kanada hám Ispaniyanıń jańadan tayınlanǵan elshilerinen isenim jarlıqların qabıllap aldı.

Ózbekstan SIM basshısı, sonıń ishinde, Kanadanıń Ózbekstandaǵı jańa elshisi Kristofer Dugannan isenim jarlıqların qabıllap alıw máresimine toqtap ótip, xalıqaralıq maydanda regionnıń global roli keńeyip atırǵanı hám Ózbekstan Kanada mámleketi menen baylanıslarında ele júzege shıqpaǵan úlken imkaniyat kórip atırǵanın atap ótedi.
Sonday-aq, B.Saidov Ispaniyanıń jańadan tayınlanǵan elshisi Rikardo Martines Vaskestan (rezidenciyası Moskva qalasında jaylasqan) isenim jarlıqların qabıllap alǵan.
«Mámleketlerimiz arasındaǵı eki tárepleme qatnasıqlar dinamikası joqarılap atırǵanlıǵı anıq kórinbekte. Eki mámleket sırtqı isler ministrlikleri birgelikte turmısqa qollanılıwı kerek bolǵan úlken imkaniyatlardı ayırqsha atap óttik. Mırza elshige Ózbekstan-Ispaniya birge islesiwiniń jańa baǵdarların rawajlandırıwda hám nátiyjeli jumıs alıp barıwında áwmet tileymiz»,-dep jazadı Ózbekstan SIM basshısı.
19-fevral kúni bolsa Еstoniyanıń Ózbekstandaǵı jańadan tayınlanǵan Elshisi Yaap Ora da Ózbekstan SIM basshısına isenim jarlıqların tapsırdı.
«Elshi mırza menen Ózbekstan hám Еstoniya mámleketleri arasındaǵı eki hám kóp tárepleme qatnasıqlardıń házirgi dinamikasın dodaladıq. Еkonomikalıq diplomatiya, málimleme texnologiyaları, xalıqlar arasındaǵı baylanıslar, mádeniyat hám basqa tarawlardaǵı birge islesiwimizdi rawajlandırıwǵa ayrıqsha itibar qarattıq. Mırza Elshige mámleketimizde tabıslı jumıs alıp barıwında áwmet tileymiz»,-deydi bul bul haqqında Saidov.

Qaraqalpaqstan xabar agentligi