TASS Aziya hám Tınısh okeanı mámleketleri málimleme agentlikleri shólkemi (OANA) 19-Bas assambleyasın ótkeriw huqıqına iye boldı. Struktura Atqarıw komitetiniń Kuala-Lumpurdaǵı májilisinde usı ánjumandı 2025-jıl iyun ayında Rossiya Federaciyasınıń Sankt-Peterburg qalasında shólkemlestiriw boyınsha bir dawıstan qarar qabıl etildi.

OANA Bas xatkeri Zamon Rizaxoniy óziniń shıǵıp sóylegen sózinde TASStıń dúnya málimleme jámiytshiligindegi joqarı abıray-mártebesin jáne bir márte atap ótken.
TASS Bas direktorınıń birinshi orınbasarı Mixail Gusman Bas assambleya sheńberinde qatnasıwshılardıń jalpı májilislerinde qatnasıwı, jetekshi rossiyalı siyasatshılar, jámiyetlik ǵayratkerleri menen ushırasıwı, sonday-aq, Sankt-Peterburg penen jaqınnan tanısıwı múmkin ekenligin bildirdi.
1961-jılı YuNESKOnıń baslaması menen shólkemlestirilgen, házirgi kúnde, 35 mámlekettiń 40tan aslam málimleme agentligin birlestirgen OANA kóp polyarlı media mákanı hám global waqıyalarǵa alternativ kózqarastı qáliplestiriwde áhmiyetli orın tutadı. Dúnya málimleme aǵımınıń úshten eki bólegi usı strukturaǵa qosılǵan mámleketler úlesine tuwra keledi.

Aziza Alimova, ÓzA