«Qıytaq jer iyeleri hám diyqan xojalıqları jumısında zamanagóy shólkemlestiriw sistemasın engiziw hám qarjılay qollap-quwatlawdıń qosımsha ilajları haqqında»ǵı Prezident Pármanı (PP-22-sanlı, 14.02.2025.j) qabıl etildi.

Diyqan xojalıqları hám qıytaq jer iyeleri jumısın qollap-quwatlaw qorı qarjıları esabınan tómendegi qarjılay qollap-quwatlaw ilajları engiziledi:
-hár jılı 500 máhálle birewden xalıqtıń qıytaq jerinde ámelge asırılǵan eń úlgili hám innovaciyalıq joybar ushın BEMniń 100 esesinen artpaǵan muǵdarda grantlar ajıratıladı;
-tájiriybeli diyqanlar tárepinen qısqa múddetli oqıw kursların shólkemlestiriwge baylanıslı qárejetlerdi qaplaw ushın hár bir kurs ushın BEMniń 15 esesine shekemgi muǵdarda subsidiya ajıratıladı;
-belgili bir máhálledegi 50 procent shańaraqlardıń qıytaq jerinde eksportqa qolaylı ónim jetistiriwdi jolǵa qoyıp bergen tájiriybeli diyqanlarǵa 100 million sumǵa shekem subsidiya ajıratıladı;
-qıytaq jer iyeleri hám diyqan xojalıqları hám olarǵa xızmet kórsetiwshi subyektlerge kommerciyalıq bankler arqalı awıl xojalıǵı ónimlerin jetistiriw, olardı qayta islew, keptiriw, saqlaw hám qadaqlaw joybarları ushın 2 jılǵa shekem jeńillikli dáwir menen 7 jılǵa shekemgi múddetke Oraylıq bank stavkasınan 4 procentlik punkt joqarı stavkada (sonnan 5 procent bank marjası) kreditler ajıratıladı;
-xalıqtıń qıytaq jerleri hám ijara jerlerinde ıqsham muzlatqıshlı qoymaxanalar , qadaqlaw, keptiriw hám qayta islew úskeneleri, tayar halındaǵı ıssıxanalar 24 aylıq jeńillikli dáwir menen 5 jılda tólew shárti menen lizingke beriledi,-dep málimleme beredi xabar.uz saytı.

Qaraqalpaqstan xabar agentligi