«Qıytaq jer iyeleri hám diyqan xojalıqları jumısında zamanagóy shólkemlestiriw sistemasın engiziw hám qarjılay qollap-quwatlawdıń qosımsha ilajları haqqında»ǵı Prezident Pármanı (PP-22-sanlı, 14.02.2025.j) qabıl etildi.

Pármanǵa bola, Ózbekstan fermer, diyqan xojalıqları hám qıytaq jer iyeleri keńesi Ózbekstan fermerleri keńesi etip qayta atalmaqta.
Kámbaǵallıqtı qısqartıw hám bántlik ministrligine diyqan xojalıqların hám xalıqtıń qıytaq jerlerin rawajlandırıwǵa baylanıslı tómendegi qosımsha wazıypa hám funkciyalar júklendi, sonıń ishinde:
-xalıqtıń qıytaq jerleri hám diyqan xojalıqlarındaǵı jer maydanların tolıq xatlawdan ótkeriw hám olarda jetistirilip atırǵan awıl xojalıǵı ónimleri esabınan júrgiziw hám “Online mahalla” platformasında anıq hám tolıq maǵlıwmatlar bazasın qáliplestiriw;
-rayon hám máhállelerdiń qánigelesiwi boyınsha potencial hám imkaniyatlarınan kelip shıǵıp, qıytaq jerlerde joqarı dáramatlı ónimler jetistiriwdi jasıl hám innovaciyalıq kózqaraslar tiykarında shólkemlestiriw arqalı xalıqtıń joqarı dáramatlı miynet penen bántligin támiyinlew hám olardı kámbaǵallıqtan shıǵarıw.
Qıytaq jer iyeleri hám diyqan xojalıqları jumısın rawajlandırıw hám awıl xojalıǵı ónimlerin islep shıǵarıwdı keńeytiw boyınsha keńes dúzildi.
Fermer xojalıqların qollap-quwatlaw qorı hám Kámbaǵallıqtı qısqartıw hám bántlik ministrligi janında Diyqan xojalıqları hám qıytaq jer iyeleri jumısın qollap-quwatlaw qorı shólkemlestirildi,-dep málimleme beredi xabar.uz saytı.

Qaraqalpaqstan xabar agentligi