Ózbekstan Respublikası Ósimlikler karantini hám qorǵaw agentligi direktorı Ibrohim Еrgashev, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha orınbasarı Sh.Teshaev hám taraw wákilleriniń qatnasıwında seminar shólkemlestirildi.

Seminarda, eksportyorlar, qadaqlawshı kárxanalar, fermer xojalıqları, agroklasterlerdiń basshıları menen miywe-palız ónimlerin jetistiriwde kooperaciyalardı shólkemlestiriw, ónimlerdi eksport etiw, olardı qayta islew máseleleri dodalandı.
Bul baǵdarda Armeniya hám Iran tájiriybesi boyınsha maǵlıwmatlar berilip, ónimlerdi organikalıq usılda jetistiriwdiń abzallıqları haqqında maǵlıwmatlar atap ótildi.
Sonday-aq, ónimlerdi zamanagóy qadaqlarda eksport etiw máselesi kórip shıǵıldı. Búgingi kúnde hár qıylı ólshemdegi gofra qutılar, plastikalıq taralar boyınsha tarmaqtı rawajlandırıw áhmiyetli ekenligi atap ótildi.

Qaraqalpaqstan xabar agentligi