Ámiwdárya rayonınıń hákimi S.Xojametov hám rayon hákiminiń investiciyalar, sanaat hám sawda máseleleri boyınsha orınbasarı X.Xaytimvetovlar Qıtay Xalıq Respublikasında xızmet saparında bolıp turıptı, dep maǵlıwmat beredi rayon málimleme xızmeti bólimi.
Sapar dawamında rayonnıń eksport potencialın arttırıw hám jańa investiciya joybarların kirgiziw maqsetinde bir topar isbilermenler menen ushırasıwlar ótkerip, sóylesiwler alıp barılmaqta.
Atap aytqanda, Chansha qalasındaǵı Hunan Jinlong Cable Technology Co., Ltd kompaniyası menen kabel ónimlerin islep shıǵıw joybarı sheńberinde bahası 10,0 AQSh dollarlıq kelisim hám shártnamalarǵa qol qoyıwǵa erisildi.
Sonday-aq, Ellikqala rayonınıń hákimi V.Niyazımbetov hám bir topar isbilermenler de házirgi waqıtta usı mámlekette xızmet saparında bolıp turıptı.
Saparda Qıtaydıń iri kompaniyaları menen nátiyjeli ushırasıwlar shólkemlestirilmekte.
Bunnan gózlengen tiykarǵı maqset rayonǵa investiciyalardı jedel kirgiziwden ibarat.
Rayon hákimleri hám isbilermenlerdiń xızmet saparı dawam etpekte.

Qaraqalpaqstan xabar agentligi