Saudiya Arabstanında Ózbekstan Respublikası Bas ministriniń orınbasarı –ekonomika hám qarjı ministri Jamshid Quchqorov Baxreyn Patshalıǵı qarjı ministri Salman Al Halifa menen ushırasıw ótkerdi.
Bul sóylesiw «Rawajlanıp atırǵan mámleketlerdiń sóylesiwi» konferenciyası sheńberinde bolıp ótti. Onda tárepler ekonomikalıq baǵdarlardaǵı birge islesiw perspektivaları boyınsha pikir alısıp, ekonomikalıq ósiwdi xoshametlew, infrastruktura joybarların qáliplestiriw hám Baxreyn qarjı kompaniyaları menen birge islesiw máselelerin dodaladı.
Atap aytqanda, sawda-ekonomikalıq baylanıslardı keńeytiw, qarjı tarawında innovaciyalıq kózqaraslardı engiziw hám Baxreynniń aldıńǵı qarjı texnologiyalardı qollanıw tájiriybesi haqqında sóz etildi. Sonday-aq, Ózbekstandaǵı sociallıq-ekonomikalıq reformalar hám olardıń nátiyjelerine de ayrıqsha itibar qaratıldı.
Sóylesiwler juwmaǵında eki mámleket óz-ara paydalı birge islesiwdi rawajlandırıw hám ekonomikalıq ósiwdi qollap-quwatlawǵa qaratılǵan birgeliktegi joybarlardı islep shıǵıw boyınsha kelisimge eristi.
ÓzA