Tramp húkimeti Rossiya menen urıstı Evropanıń qatnasıwısız sheshiwge háreket etip atırǵan bir waqıtta, Evropa mámleketleri basshıları Franciyada Ukraina boyınsha ayrıqsha sammit ótkermekte.
Tramptıń Putinge poziciyası hám AQSh rásmiyleriniń Ukraina hám NATO boyınsha bildiriwleri Evropada qáweter oyatqan. Kópshilik kelisim Rossiyaǵa ústinlik beredi, dep esaplamaqta.
Ekshembi kúni Ukraina Prezidenti Vladimir Zelenskiy AQSh hám Rossiya arasında Ukraina boyınsha qabıl etilgen hár qanday kelisimdi biykarlaytuǵının málim etti. Eger zárúr bolsa, tınıshlıq kelisimin ámelge asırıw ushın inglis áskerleri Ukrainaǵa jaylastırılıwı múmkin. Bul haqqında Daily Telegraph gazetası Ullı Britaniya Bas ministri Kir Starmerdiń sózlerine súyenip xabar berdi.
Sonday-aq,Franciya Prezidenti Еmmanuel Makron ekshembi kúni Saudiya Arabstanı miyrasxor patshası Muhammad bin Salmon menen telefon arqalı sóylesip, Rossiyanıń Ukrainadaǵı urıs máselesin dodalaǵan. Ol Evropa Ukrainada tınıshlıqtı bekkemlew processleriniń orayında bolıwı kerek ekenin atap ótken.

Qaraqalpaqstan xabar agentligi