Keshe Tashkenttiń «Paxtakor» klubı Aziya chempionlar ligasınıń Еlit ligasında topar basqıshınıń sońǵı tur oyının ótkerdi. Paytaxtımızdaǵı «Jar» stadionında ótkerilgen oyında, tashkentli futbolshılar «Al Sadd» klubın 2:1 esabında jeńip shıǵıwǵa miyasar boldı hám turnirdiń kelesi basqıshına jollamanı qolǵa kirgizdi.
Oyındaǵı eki gol da «Paxtakor» quramındaǵı kolumbiyalı legioner Brayan Riaskos tárepinen urıldı.
Endi «Paxtakor» klubı 1/8 finalda Saudiya Arabstanınıń «Al Hilol» yaki «Al Ahli» klubına qarsı oyınǵa túsedi.

Adilbay Orazov,
Qaraqalpaqstan xabar agentligi sholıwshısı