«Jaslar isbilermenligin hám olardıń bántligin támiyinlewge qaratılǵan biznes joybarlardı qollap-quwatlaw sistemasın jetilistriw ilajları haqqında»ǵı Prezident qararı (PQ-60-sanlı, 14.02.2025.j) qabıl etildi.

Qararǵa bola, Jas isbilermenlerdi qollap-quwatlaw qorı negizinde Jaslar isleri agentligi janında Jaslar isbilermenligin rawajlandırıw mámleketlik maqsetli qorı shólkemlestiriledi.
Qor qarjıları belgilengen derekler esabınan 100 million AQSh dolları ekvivalentine teń summaǵa jetkeriledi.
Qor járdeminde keminde 50 mıń jastıń bántligin támiyinlew hám isbilermenlikke tartıw onıń jumısınıń tiykarǵı nátiyjelilik kórsetkishi esaplanadı.
Belgilengen dárya, kanal hám jaǵalıq boylarında xızmet kórsetiw, kewil ashar hám dem alıw orınların shólkemlestiriw boyınsha biznes joybarların jaylastırıw ushın ornatılǵan tártipte elektron onlayn aukcion sawdalarına shıǵarıw arqalı jer uchastkaları ajıratıladı.
Jaslar isleri agentliginiń Qorǵa ajıratılatuǵın qarjıları esabınan Qor janında ustav fondı 10 million AQSh dolları ekvivalentine teń bolǵan jaslardıń perspektivalı startap joybarların qarjılandıratuǵın venchur qor shólkemlestiriledi, -dep málimleme beredi xabar.uz saytı.

Qaraqalpaqstan xabar agentligi