Ookla kompaniyası yanvar ayında dúnya mámleketlerinde dizimge alınǵan internet tezligi boyınsha esabatın usındı.

Singapur – keń polosalı internet, Birlesken Arab Ámirlikleri – mobil internet boyınsha hámmeden tez.
Izertlewge bola, yanvar ayında dúnyada sımlı internet tezligi ortasha: júklep alıw ushın – 97,61 Mbit/sekund, jiberiw ushın – 52,84 Mbit/sekundtı quradı.
Singapurda internet tezligi: júklep alıw ushın – 336,45 Mbit/sekund, jiberiw ushın – 275,30 Mbit/sekund. Keyingi orınlarda: BAÁ (310,05 Mbit/s), Gonkong (305,71 Mbit/s), Franciya (287,44 Mbit/s) hám Islandiya (281,95 Mbit/s).
Júklep alıw tezligi ortasha 3 Mbit/sekundtı quraǵan Siriya hám Kuba reytingde sońǵı orınlardı iyeledi.
Yanvarda global mobil internet tezligi derlik keń polosalı internet dárejesine shıǵıp, júklep alıw tezligi 91,24 Mbit/sekundqa jetti.
BAÁ – mobil internet tezligi boyınsha dúnyada jetekshi: júklep alıw tezligi 545,94 Mbit/sekundqa jetip, ótken jıldıń yanvarındaǵı kórsetkish (302,38 Mbit/s) ádewir jaqsılandı. Keyingi orınlarda: Qatar (521,51 Mbit/s), Kuveyt (314,39 Mbit/s), Bolgariya (252,05 Mbit/s) hám Baxreyn (213,09 Mbit/s).
Reytingke kirgizilgen 104 mámleket arasında sońǵı orınlardı Boliviya (13,20 Mbit/s) hám Еritreya (1,88 Mbit/s) bánt etti.
Bul reytingte Ózbekstan keń polosalı internet tezligi (51,02 Mbit/s) boyınsha (bes tekshege joqarılap) 68-orındı, mobil internet tezligi (81,58 Mbit/s) boyınsha 75-orındı iyeledi.

Qaraqalpaqstan xabar agentligi