Oliy Majlis Senatı kengashinde tórtinshi jalpı májilisti shaqırıwǵa baylanıslı másele kórip shıǵıldı.

Senat Baslıǵı Tanzila Norboeva basqarǵan májiliste videokonferencbaylanıs sistemasınan paydalanǵan halda ótkeriletuǵın jalpı májiliste bir qatar máselelerdi dodalaw názerde tutılǵanı atap ótildi.
Sonıń ishinde, puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyasın tastıyıqlaw, isbilermenlik subyektlerin qarjılay qollap-quwatlaw, kredit málimlemesi almasıwın jáne de jetilistiriw, salıq hákimshiligi, jer uchastkalarınan paydalanıw, qurılıs tártibi, donorlıq háreketine baylanıslı, sonıń menen birge hayal-qızlardı qollap-quwatlawǵa qaratılǵan nızamlardı kórip shıǵıw rejelestirilmekte.
Jalpı májilis kún tártibinen sud, jazasın ótep atırǵanlardıń jaza ótewdegi huqıqları, shıǵındılardı toplaw hám alıp shıǵıw xızmetlerin kórsetiw tarawına baylanıslı nızamlar da orın alǵan.
Bunnan tısqarı, bir qatar xalıqaralıq hújjetlerdi ratifikaciyalaw hám olarǵa qosılıw máseleleri sáwlelengen nızamlar da kórip shıǵıladı. Sonıń menen birge, Samarqand wálayatınıń Samarqand qalası, Samarqand hám Aqdárya rayonlarınıń shegaraların ózgertiw haqqındaǵı másele de dodalanadı.
Májiliste Senattıń tórtinshi jalpı májilisin 2025-jıl 20-fevral kúni shaqırıw haqqında qarar qabıl etildi.

N.Abduraimova,
ÓzA