Milliy kinologiya orayı táreinen Qaraqalpaqstan Respublikası, bir qatar wálayatlar hám Tashkent qalasındaǵı bajıxana postlarında xızmet etip atırǵan kinologlardıń xızmet iytleri «Xızmet iyti belgisi» menen sıylıqlandı.

Bajıxana komiteti baspasóz xızmeti bergen maǵlıwmatqa bola, sıylıqlanǵan 14 bas xızmet iytleri arasında, sonıń ishinde, rus spanieli, nemis ovcharkası, ingliz koker spanieli, malinua, Shıǵıs Evropa ovcharkası násiline tiyislileri bar.
Atap ótilgenindey, bul iytlerdiń járdeminde ótken 2024-jılı 337 kg náshebentlik quralları, 55 mıń dana psixotrop hám kúshli tásir etiwshi dári quralları, 11 dana qural, 10 mıńǵa shamalas oq-dári, 24 kg porox, 2,3 mlrd sum ekvivalenttegi naq sırt el valyutaları, 418 mıń qutıdan aslam temeki ónimleriniń nızamsız aylanısın aldı alınǵan.
Sonday-aq, Milliy kinologiya orayınıń 5 bas xızmeti iyti de túrli xalıqaralıq hám jergilikli jarıslarda hám kórgizbelerde joqarı nátiyjelerge erisilgenligi sebepli sıylıqlanǵan,-dep málimleme beredi xabar.uz saytı.

Qaraqalpaqstan xabar agentligi