Mámleketimizde alıp barılıp atırǵan «Jasıl mákan» ulıwma milliy háreketi boyınsha respublikamızdıń agrar tarawında jaqsı nátiyjelerdi kórsetip kiyatırǵan Nókis rayonı aymaǵında jańa baslamanı jolǵa qoyıw belgilenbekte. Rayondaǵı «Samanbay» awıl puqaralar jıyınındaǵı “Kattıaǵar” massivi aymaǵında 56,29 gektar jer maydanında Galofit ósimlikleri botanika baǵı shólkemlestiriledi.
Bunnan tiykarǵı maqset, “Jasıl mákan” ulıwma milliy háreketi sheńberinde ámelge asırılıp atırǵan jumıslardı izbe-iz dawam ettiriw, topıraq ekosistemasın tiklew hám klimat ózgeriwine beyimlesiw boyınsha ilimiy izertlewler ótkeriw, shorlanıw hám shorlanıwǵa beyimlesken ósimliklerdi izertlew, olardıń túrlerin kóbeytiw hám tájiriybe-sınaqlarınan ótkeriw.
Sonday-aq, ekoturizmdi jolǵa qoyıw hám siyrek ushırasatuǵın ósimlik túrlerine qızıǵatuǵın turistlerdi tartıwdan ibarat.

Qaraqalpaqstan xabar agentligi