Jası úlken nuranıylardıń ibratlı ómir jolı jaslar ushın úlken tájiriybe mektebi bolıp tabıladı.

Beruniy rayonındaǵı 50-sanlı orta bilim beriw mektebinde «Nuraniy» qorı rayonlıq bólimi tárepinen «Úsh áwlad ushırasıwı» ilajı bolıp ótti.
Ilajda rayonlıq úgit-násiyat toparınıń basshısı R.Yuldasheva, rayonlıq IIM xızmetkeri, hayal-qızlar máseleleri boyınsha úlken inspektor M.Avezova, Shabbaz máhállesi «Kekseler másláhát toparı» baslıǵı Q.Sharipov hám nuraniylar, orta hám jas áwlad wákilleri qatnastı.
Shıǵıp sóylegenler, jaslarǵa ózleriniń paydalı másláhátlerin berip, keleshekte jetik insanlar bolıp, kásipleriniń mamanı bolıwında áwmetler tiledi.
Sonday-aq, ilaj dawamında jaqsı bahalarǵa oqıp, nátiyjelerge erisip kiyatırǵan jaslarǵa húrmet jarlıqları tapsırıldı. Nuraniy Q.Sharipov tárepinen oqıwshılarǵa kitap sawǵa etildi, dep málimleme beredi Beruniy rayonı hákimligi málimleme xızmeti bólimi.

Qaraqalpaqstan xabar agentligi