Bıyıl 14-fevral kúni qabıl etilgen Miynet kodeksine ózgerisler hám qosımshalar kirgiziwdi názerde tutıwshı nızam menen miynet haqı saqlanbaytuǵın dem alıs múddeti sheklendi.
Aldınları miynet haqı saqlanbaytuǵın dem alıs berilip atırǵanda, sońǵı márte alınǵan dem alıstan esaplap bir jıl ishinde úzliksiz yamasa jámi 3 aydan artıq bolmawı kerek bolsa, endigiden bılay miynet haqı saqlanbaytuǵın dem alıs bir jıllıq dáwir dawamında jámi 3 aydan artıq bolmawı kerek.
Sonıń menen birge, jańa tártipke bola, hár jılǵı miynet dem alıs waqıtı ushın miynet haqı tólewde ekshembi kúnleri esapqa alınbaydı (burın ekshembi kúnleri de dem alıs bolıp esaplanǵan).

Qaraqalpaqstan xabar agentligi