«Instagram» pikirlerdegi dizlayk funkciyasın sınawdan ótkermekte. Bul haqqında «TechCrunch» basılımı xabar berdi.
Bul funkciya ayırım paydalanıwshılardıń itibarın tartıp, túrli pikirler jıynawǵa da úlgerdi. Kompaniya basshısı Adam Mosseri da onı sınaw túrinde ámelge asırıp atırǵanın tastıyıqlaǵan.
Mosseri «Threads»taǵı postında dizlayklardıń sanı hámmege kórsetilmeytuǵını hám sizge qaldırılǵan usı túrdegi pikirden basqalar xabardar bolmaytuǵının atap ótti. Onıń sózlerine bola, dizlayklar sanı reytinglerde esapqa alınadı.
Funkciya paydalanıwshılarǵa qandayda bir sholıw jaqpaǵanı haqqında avtordı xabardar etiw imkaniyatın jaratadı. Bul sholıw sistemasınıń jáne de rawajlanıwına járdem beriwi múmkin.
2021-jılı «Instagram» paydalanıwshılarǵa layklardı jasırıw imkaniyatın usınǵanlıǵın atap ótiw zárúr. Bul sociallıq tarmaqlarda adamlar arasındaǵı basımdı azaytıwǵa járdem beriwi kerek edi.

Qaraqalpaqstan xabar agentligi