Qaraqalpaqstan Respublikası jaylawlarınan nátiyjeli paydalanıw hám olardı qorǵaw ushın jańa, siyrek ushırasatuǵın sanlı maǵlıwmatlar bazası iske qosıldı, dep xabar beredi xs.uz.
Ózbekstan Ilimler akademiyası Botanika institutı Geobotanika laboratoriyasınıń ilimpazları tárepinen mámleketlik baǵdarlama sheńberinde jaratılǵan bul sanlı maǵlıwmatlar bazası Qaraqalpaqstannıń 93 procent jaylaw aymaǵın qamtıp alıp, 168 jaylaw túrin 21 norma tiykarında bahalaw imkaniyatın beredi.
Jaylawlar hám olardıń ózgeshilikleri haqqında tolıq maǵlıwmatlar qurǵaqlıq jerlerde sharwa malların salamat hám nátiyjeli baǵıwdı támiyinlewge xızmet etedi. Bul baza bolsa jaylawlardan paydalanıw nátiyjeliligin arttırıw hám ekologiyalıq turaqlılıqtı saqlawǵa qaratılǵan.
Qaraqalpaqstan jaylawlarınıń jańa sanlı maǵlıwmatlar bazası respublika jaylaw ekosistemalarınıń ekonomikalıq, ekologiyalıq hám zootexnikalıq áhmiyetin zamanagóy bahalaw, olardan paydalanıw sistemasın túp-tiykarınan jetilistiriwde áhmiyetli qádem bolıp esaplanadı.

Qaraqalpaqstan xabar agentligi