Jas áwladta watansúyiwshilik, Awǵan urısı qatnasıwshılarına hám ѳtken tariyxqa húrmet sezimlerin qáliplestiriw maqsetinde Nѳkis qalasındaǵı 46-sanlı ulıwma bilim beriw mektebinde Awǵanstannan áskerlerdiń shıǵarılǵanına 36 jıl tolıwı múnásibeti menen usı urıs qatnasıwshılarınıń oqıwshılar menen ushırasıwı bolıp ѳtti.
Ushırasıwǵa Awǵan urısı qatnasıwshıları O.Tѳreniyazov, U.Allayarov, A.Xojaniyazov hám nuraniylar mirát etildi.
Sonday-aq, Qaraqalpaqstan Respublikası Qorǵanıw isleri basqarmasınıń 1-dárejeli qánigesi I.Esemuratov, Nókis qalası Qorǵanıw isleri boyınsha bólim baslıǵı Sh.Muratbaev hám orınbasarı A.Qayıpnazarov, Ѳzbekstan Respublikası Mámleketlik qáwipsizlik xızmeti shegara áskeriy bóliminiń xızmetkerleri de qatnastı.
Ushırasıwda qatnasıwshılar Awǵanstanda qaza tapqanlardı bir minut únsiz turıp eske aldı.
Miymanlar oqıwshılarǵa Awǵanstan, ondaǵı urıs, qıyınshılıqlar hám áskeriy ѳmiri tuwralı aytıp berdi. Soń, oqıwshılardıń sorawlarına juwap berildi.

Madina Jumabaeva,
QMU Qaraqalpaq filologiyası hám jurnalistika
fakultetiniń 2-kurs studenti.
Qaraqalpaqstan xabar agentligi.