Oliy Majlis Senatında Korrupciyaǵa qarsı gúresiw milliy keńesiniń gezektegi májilisi bolıp ótti.

Senat Baslıǵı, Korrupciyaǵa qarsı gúresiw milliy keńesiniń baslıǵı Tanzila Norboeva basqarǵan májiliste Korrupciyaǵa qarsı gúresiw milliy keńesi hám aymaqlıq keńeslerdiń aǵzaları, ministrlik hám uyımlar, mámleketlik emes kommerciyalıq emes shólkemler, ǵalaba xabar qurallarınıń basshı hám xızmetkerleri qatnastı.
Májiliste mámleketimizde korrupciyaǵa baylanıslı jınayatlar 12 procentke azayǵanı, tarawdaǵı xalıqaralıq reytinglerde mámleketimizdiń ornı jaqsılanǵanı ayrıqsha atap ótildi.
Sonday-aq, májiliste ótken dáwir dawamında tarawǵa baylanıslı 10 ǵa shamalas nızam qabıl etilgeni, sonıń ishinde, «Mápler soqlıǵısıwı haqqında»ǵı nızam qabıl etilip, 2024-jıl 6-dekabrden kúshke kirgeni aytıp ótildi.
Dodalawlar procesinde bilimlendiriw hám densawlıqtı saqlaw tarawlarında korrupciyaǵa qarsı gúresiw jumıslarına itibar qaratıldı. Tiyisliligi boyınsha Mektepke shekemgi hám mektep bilimlendiriwi, Joqarı bilimlendiriw, ilim hám innovaciyalar sonıń menen birge Densawlıqtı saqlaw ministrlikleriniń málimlemesi tıńlandı.
Qatnasıwshılar tárepinen usı tarawlarda korrupciyalıq faktorlardı saplastırıw, sistemada ashıq-aydınlıq, ádillik, xızmet sapasın arttırıw, kadrlar imkaniyatın joqarılatıw baǵdarında bir qatar ámeliy ilajlar kórilip atırǵanına qaramastan korrupciyalıq háreketler saqlanıp qalıp atırǵanı sınǵa alındı.
Sonday-aq, májiliste Korrupciyaǵa qarsı gúresiw boyınsha 2023-2024-jıllarǵa mólsherlengen mámleketlik baǵdarlamanıń sonday-aq, xalıq hám mámleketlik xızmetkerlerdiń korrupciyaǵa qarsı gúresiw tarawındaǵı bilimlerin úzliksiz arttırıw sistemasın engiziw ilajlarınıń orınlanıw jaǵdayı kórip shıǵıldı.
Ózbekstan Respublikası korrupciyaǵa qarsı gúresiw milliy keńesiniń 2025-jıldıń birinshi yarım jıllıǵına mólsherlengen jumıs rejesiniń joybarı hám Korrupciyaǵa qarsı gúresiw aymaqlıq keńesleriniń quramın tastıyıqlaw máselesine de itibar qaratıldı.

N.Abduraimova, ÓzA