Germaniyanıń Vayssenxaus qalasında sıylıq qorı 750 000 AQSh dollar bolǵan abıraylı shaxmat turniri óz juwmaǵına jetti.
Keshe bul turnirdiń bıyılǵı jeńimpazları anıqlandı.
Atap aytqanda, úshinshi orın ushın bolǵan bellesiwde ózbekstanlı jas shaxmatshı Javohir Sindarov norvegiyalı jáhán chempionı Magnus Karlsenge jeńilip qaldı hám turnirdi 4-orın menen juwmaqlawǵa májbúr boldı. Jarıs sońında Sindarov 60 000 AQSh dolları, 3-orın iyesi Magnus Karlsen 100 000 AQSh dolları menen sıylıqlandı.
Al, jáne bir watanlasımız Nodirbek Abdusattorov bolsa, 5-orın ushın bolǵan bellesiwde AQShlı Hikaru Nakamuraǵa jeńilip qaldı hám 40 000 dollardı qolǵa kirgizdi.
Turnir jeńimpazlıǵı bolsa, AQShlı Fabiano Karuananı jeńip shıqqan germaniyalı jas shaxmatshı Vinsent Keymerge nesip etti.

Adilbay Orazov,
Qaraqalpaqstan xabar agentligi sholıwshısı