Házirgi kúnleri Qazaqstan Respublikasınıń Alma-Ata qalasında qılıshlasıw sportı boyınsha Jáhán kubogi basqıshı jarısı bolıp ótpekte.
Bul jarısqa dúnyanıń kúshli qılıshpazları menen birgelikte Ózbekstan saylandı komandası aǵzaları da qatnaspaqta.
Keskin ótken bellesiwlerdiń finalına saylandı komandamızdıń eki aǵzası, yaǵnıy, Gúlistan Perdebaeva hám Ayakóz Jumamuratovalar jetip keldi. Oǵada qıyın ótken bul ushırasıwda 15:14 esabı menen Gúlistan jeńiske eristi hám jarıstıń altın medalı menen sıylıqlandı.
Jáne bir úmitli sportshımız Ayakóz Jumamuratova gúmis, tájiriybeli Samira Shokirova hám qazaqastanlı Adem Serikbay qola medalın jeńip aldı.

Adilbay Orazov,
Qaraqalpaqstan xabar agentligi sholıwshısı