Xalıqtıń turmıs sharayatların arttırıw máselelerine úlken itibar qaratılmaqta.

Mámleketimiz basshısı tárepinen 2024-jıl 16-dekabr kúni ótkerilgen videoselektor májilisinde máhállelerde isbilermenlik ortalıǵın jaqsılaw, kámbaǵallıqtı qısqartıw hám kommerciyalıq banklerdiń rolin arttırıw boyınsha wazıypalar belgilep berilgen edi.
Belgilengen wazıypalardıń orınlanıwın támiyinlew maqsetinde Tórtkúl rayonında «Joybarlar yarmarkası» shólkemlestirildi.
Yarmarkada isbilermenler ózleriniń jańa isbilermenlik joybarları boyınsha usınısları menen múrájat etti. Isbilermenlik rejelerin bankler menen qarjılandırıw máseleleri rejelestirilip alındı, dep málimleme beredi Tórtkúl rayonı hákimligi málimleme xızmeti bólimi.

Qaraqalpaqstan xabar agentligi