11-14-fevral kúnleri Qashqadárya wálayatında «Universiada-2025» sport jarıslarınıń gúres túri boyınsha Respublikalıq final basqıshı bolıp ótti, dep málimleme beredi QMU baspasóz xızmeti.

«Universiada-2025» sport jarıslarınıń gúres túri boyınsha Respublikalıq final basqıshında Berdaq atındaǵı Qaraqalpaq mámleketlik universitetiniń studentleri sıylı orınlardı iyeledi.
Dene mádeniyatı fakultetiniń 1-kurs studenti Sh.Amanov 60 kg salmaq kategoriyasında sıylı 2-orındı iyelep, gúmis medal, 3-kurs studenti M.Qdırbaeva 52 kg salmaq kategoriyası boyınsha 2-orındı iyelep, gúmis medal iyesine aylandı. Sonday-aq, usı jarısta 2-kurs studenti S.Matkarimov 100 kg salmaq kategoriyası boyınsha sıylı 3-orındı iyelep, bronza medalın qolǵa kirgizdi.
Dene mádeniyatı teoriyası hám metodikası kafedrasınıń R.Xolekov, S.Qaniyazov hám A.Alxamov sıyaqlı tájiriybeli oqıtıwshı hám trenerleri olarǵa ustazlıq etip, usı jarısqa puqta tayarladı.
Jaslarımızdı qolǵa kirgizgen tabısı menen qızǵın qutlıqlaymız.

Qaraqalpaqstan xabar agentligi