Bul haqqında Prezident Shavkat Mirziyoevtiń mámleketimiz jasları menen sóylesiwinde málim etildi.
Elimizde kreativ ekonomika jedel rawajlanbaqta. Tarawda jumıs islep atırǵanlardıń 98 procenti jaslar.
Ótken jılı kreativ ekonomikanı rawajlandırıw boyınsha óz aldına nızam qabıl etilip, huqıqıy tiykarları belgilendi.
Tashkent qalasındaǵı «Jaslar dóretiwshilik sarayı»nda úlgili «Kreativ park» shólkemlestirildi.
Endi kreativ industriya parkleri aymaqlarda da qurıladı. Olar zárúr resurs hám infrastruktura menen támiyinlenedi.
Kreativ industriya parki rezidentlerine 2030-jıldıń aqırına shekem jeńilletilgen salıq rejimi engiziledi. Onda sociallıq hám dáramat salıq stavkaları 50 procentke azaytıladı, rezidentler tovarlardı realizaciyalaw kólemine qaramastan aylanıstan alınatuǵın salıq tólewshiler boladı.
Parkler negizinde kreativ taraw wákillerin oqıtatuǵın biznes mektepleri shólkemlestiriledi. Bul mekteplerde jaslar jańa hám zamanagóy biznes júrgiziw hám elektron kommerciya sıyaqlı xızmet kórsetiwdiń innovaciyalıq usılların úyrenedi.

ÓzA