Birinshi hújjetke muwapıq, Jaslar isleri agentligi janında Jaslar isbilermenligin rawajlandırıw qorı dúzilip, oǵan 100 million dollar qarjı ajıratıldı.
Endi isbilermen jaslarǵa 2,5 milliard sumǵa shekem jeńillikli kreditler beriledi, intalı jaslardıń startap joybarlarına 2 milliard sumǵa shekem investiciya kirgiziledi.
Búgingi kúnde joqarı oqıw orınların tamamlap atırǵan 90 mıń jaslar qánigeligi boyınsha jumıs tabıwda qıynalmaqta.
Sonlıqtan, ekinshi qarar menen joqarı oqıw orınların pitkeriwshilerdiń bántligin támiyinlew boyınsha jańa sistema jaratılmaqta. Bul ushın Milliy bankke 100 million dollar resurs beriledi.
Bank Joqarı bilimlendiriw ministrligi hám Sawda-sanaat palatası menen birgelikte joqarı oqıw orınları pitkeriwshileriniń baslama hám ideyaların joybarǵa aylandırıw boyınsha jańa bank xızmetleri paketlerin engizedi.
Sonday-aq, pitkeriwshilerdi jumıs penen támiyinlew boyınsha hákimler, bank hám kárxana basshılarınan ibarat komissiya dúziledi. Komissiya jumıs orınların jaratıw, kadrlarǵa zárúrlik, bos orınlarǵa jaslardı ornalastırıw máselelerin sheshedi.

Qaraqalpaqstan xabar agentligi