Házirgi waqıtta dúnyadaǵı «top» joqarı oqıw orınlarında 1,5 mıńnan aslam studentlerimiz bilim almaqta. Bul Ózbekstan ushın tariyxta bolmaǵan waqıya.
Jaqında Birlesken Arab Ámirliklerinde ótken úlken forumda Tashkent qalasındaǵı Prezident mektebi global dárejede eń abıraylı nominaciyada jeńimpaz dep tabıldı.
«Bunıń bas faktorı nede, dep sorasańız, men bárinen burın jaslarǵa múnásibet mámleket dárejesinde pútkilley ózgergeninde, dep juwap bergen bolar edim. Ul-qızlarımız jaslar máselesi mámleketlik siyasattıń baslı baǵdarına aylanǵanın sezip, ózlerine sheksiz kúsh almaqta», dedi Prezident.
Bunnan bes jıl burın Senat hám Nızamshılıq palatasında Jaslar parlamenti dúzilgen edi. Ol jerde jaslar siyasiy jetekshilik, demokratiya mektebi, parlamentarizm mektebi qanday bolatuǵının ámelde kórdi. Keyingi saylawda áne, usı jaslarımızdan ekewi Nızamshılıq palatasına, 250i keńeslerge deputat bolıp saylandı.
«Endi barlıq sistemadaǵı basshılar jaslardıń dawısın barınsha tıńlawǵa májbúr. Jaslar ullı keleshegimizdiń tiykarǵı buwını ekenin túsinbegen basshınıń biziń qatarımızda bolıwǵa haqısı joq», – dedi Prezident.

Qaraqalpaqstan xabar agentligi