Bul haqqında Kóksaray rezidenciyasında Prezident Shavkat Mirziyoevtiń mámleketimiz jasları menen dawam etip atırǵan sóylesiwinde atap ótildi.

Ásirese, jaslarımızdıń arasında shet tillerdi úyreniwge qızıǵıwshılıq keskin kúsheydi.
Áne, usı imkaniyatlardan paydalanıp, jaqında bilimli hám umtılıwshań Parviz Tuksanov SAT imtixanınan eń joqarı – 1 mıń 600 ball topladı. Prezidentimiz onı usı nátiyje menen qızǵın qutlıqlap, ata-anası hám muǵallimlerine minnetdarshılıq bildirdi.
Jáne bir ibratlı mısal – «Kitapsúyer millet» ideyası tiykarında jaslarda kitap oqıw mádeniyatın qáliplestiriw ulıwma milliy háreketke aylandı. Dátúriy túrde ótkerilip atırǵan «Jas kitapqumar» tańlawındaǵı qatnasıwshılardıń sanı 6 esege artıp, 3 millionǵa jetti.
Bir topar belsendi jaslar tárepinen jaratılǵan «Mutolaa» joybarı arqalı 1 millionnan artıq jaslar kitapqumarlar qatarına kirdi.
Házirgi operativ málimleme almasıwı dáwirinde jas áwlad, ásirese, balalarımız ushın milliy kontentlerdi jaratıw áhmiyetli wazıypa. Bunday kontentti baqsha hám mekteptegi bilimlendiriw processlerinde kórsetiw arqalı jáne de ǵalaba en jaydırıw zárúr ekenligi atap ótildi.

ÓzA