Mámleketimiz basshısı sóziniń aldında kúsh-ǵayratlı, náwqıran jaslar menen ushırasıp turǵanınan quwanıshlı ekenligin bildirip, olardıń tımsalında Jańa Ózbekstannıń búgingi hám erteńgi dóretiwshilerin kórip atırǵanın atap ótti.
-Ullı shayırımız Еrkin Vahidovtıń aytqanınday, jaslıq – bul kewildiń altın sazı. Oǵan qosımsha etip, jaslar – xalqımızdıń, Watanımızdıń altın fondı, desek durıs boladı. Xalqımızdıń 60 procentin mine, usı jaslar quraytuǵını da bul pikirdi tastıyıqlaydı.
Búgingi kúnde biz márt hám jigerli xalqımızǵa, ǵayratlı jaslarımızǵa isengenimiz ushın óz aldımızǵa úlken-úlken maqsetler qoymaqtamız, shekti joqarı almaqtamız. Keleshekte Úshinshi Renessans tiykarın jaratatuǵın jańa Xorezmiyler, Beruniyler, Ibn Sinolar, Mırza Uluǵbek hám Áliysher Nawayılar qay jerden payda boladı! Bul úlken wazıypalardı kim orınlaydı!
Men qayta-qayta tákirarlawdan sharshamayman. Álbette, bul iygilikli ideyalardı sizler – búgingi Jańa Ózbekstan jasları ámelge asırasız,-dedi Prezident.

ÓzA