Еnergetika ministrliginde ótkerilgen májilis «Ózbekstan – 2030» strategiyasın «Qorshaǵan ortalıqtı qorǵaw hám «jasıl» ekonomika jılı»nda ámelge asırıwǵa baylanıslı baǵdarlamasınıń orınlanıwına baǵıshlandı.
Májiliste energetika ministri Jwrabek Mirzamahmudov, tarawdaǵı iri shólkemlerdiń basshıları hám juwapker xızmetkerler qatnastı. Onda janılǵı-energetika hám ximiya tarawlarında belgilengen wazıypalardı óz waqtında hám nátiyjeli orınlaw boyınsha pikir alısıldı.
Atap ótilgenindey, elektr energiyasın islep shıǵarıw kólemin arttırıw, «jasıl»energetika dereklerin keńeytiw hám sanaat kárxanalarında ekologiyalıq talaplarǵa ámel etiw áhmiyetli tiykarǵı wazıypalar esaplanadı.
Sonnan kelip shıǵıp, ilajda «Jasıl mákan» ulıwmamilliy joybarı sheńberinde óndiris obyektleri átirapında miyweli hám sayamanlı terekler egiw, atmosferaǵa zıyanlı zatlar shıǵıwdıń aldın alıw ushın zamanagóy filtrler ornatıw jumısların jedellestiriw zárúr ekenligi atap ótildi.
Mámleketlik baǵdarlamanı nátiyjeli ámelge asırıw ushın anıq ilajlar rejesin islep shıǵıw , juwapkerlerdi belgilew hám turaqlı monitoring ornatıw áhmiyetli ekenligi atap ótildi. Sonday-aq, jámiyetshilik hám ǵalaba xabar quralları ushın ashıqlıqtı támiyinlew maqsetinde qosımsha mexanizmler islep shıǵıldı.
Májilis juwmaǵında hár bir wazıypa boyınsha juwapker belgilenip, esabat usınıs etiw múddetleri anıqlastırıldı.

N.Ziyodullaeva, ÓzA