Tórtkúl rayonı Ábiw Áliy ibn Sina jámiyetshilik medicina texnikumında rayon prokurorı N.Djolamanovtıń baslaması menen jas isbilermenler hám sportshı jaslar menen ushırasıw bolıp ótti, deydi Tórtkúl rayonı málimleme xızmeti bólimi.
Ushırasıwda rayondaǵı belsendi jaslardıń ómirde óz ornın tabıwında bilim hám umtılıs áhmiyetli ekeni aytıp ótildi. Tájiriybeleri hám paydalı másláhátleri menen ortaqlastı. Bul rayon jasların ruwxlandırdı.
Sonday-aq, «Jas kitapxan» tańlawı Qaraqalpaqstan Respublikası basqıshında joqarı nátiyjelerdi kórsetken jaslar hám olardıń ustazları sıylıqlandı.
Sonıń menen birge, sporttıń para armrestling túrinen Jáhán Kubogi bellesiwinde jeńimpazlıqtı qolǵa kirgizigen talantlı jaslar olardıń ustaz hám trenerlerine bahalı sawǵalar tapsırıldı.
Ilaj dawamında qatnasıwshılarǵa qızıqlı sorawlar berilip, durıs juwap bergenler kitaplar menen xoshametlendi.
Soń rayonlıq mádeniyat bólimi tárepinen koncert baǵdarlaması qoyıp berildi.

Qaraqalpaqstan xabar agentligi