Nızam menen ayırım nızam hújjetlerine ózgerisler hám qosımshalar kirgizildi.

Nızam (ÓRQ-1028-sanlı, 12.02.2024j) menen «Ipoteka haqqında»ǵı, «Bahalı qaǵazlar bazarı haqqında»ǵı, «Tólemge qábiletsizlik haqqında»ǵı nızamlarǵa ipoteka qatnasıqlarına elektron girew xatın engiziwdi, bunday girew menen támiyinlengen minnetlemelerin orınlawdı, ol boyınsha huqıqlardı basqa shaxsqa ótkeriwdi hám onnan paydalanıwǵa baylanıslı basqa mexanizmlerdi belgilewdi, sonday-aq, talap etiw huqıqları hám girew xatın tamamlaw massasına kirgizilmeytuǵının názerde tutatuǵın ózgerisler hám qosımshalar kirgizilmekte.
Onda, «Ipoteka haqqında»ǵı nızamǵa kirgizilgen qosımshaǵa bola:
– Еlektron girew xatına ózgerisler kirgiziw girew xatınıń nızamlı iyesi hám girewge qoyatuǵın tárepinen elektron girew xatına ózgerisler kirgiziw haqqındaǵı kelisim (qosımsha kelisim) túrin Birden-bir interaktiv mámleketlik xızmetler portalında tolıqtırıw arqalı ámelge asırıladı;
-Еlektron girew xatları boyınsha huqıqlardı basqa shaxsqa ótkeriw depo esap betine tiyisli jazıw kirgiziw arqalı ámelge asırıladı. Еlektron girew xatına baylanıslı huqıqlar alıwshınıń depo esap betine tiyisli jazıw kirgizilgen waqıttan baslap oǵan ótedi hám depo esap betinen kóshirme menen tastıyıqlanadı.
Nızam rásmiy járiyalanǵan kúnnen baslap kúshke kiredi.

ÓzA