Germaniya xalıqaralıq sheriklik jámiyetiniń (GIZ) tikkeley baslaması hám járdemi tiykarında házirgi waqıtta Ózbekstan Sawda-sanaat palatası Qaraqalpaqstan Respublikası basqarmasınıń baslıǵı Kazbek Artıkov hám Boyantamır hám basqa ósimliklerdi jetistiriw hám qayta islew shólkemleri birlespesiniń baslıǵı Murat Gaipovtıń basshılıǵındaǵı qaraqalpaqstanlı bir topar isbilermenler delegaciyası Germaniyanıń Nyurnberg qalasında shólkemlestirilip atırǵan «BIOFACH 2025» Xalıqaralıq kórgizbe-yarmarkasında qatnaspaqta.

«BIOFACH 2025» dúnyadaǵı eń iri azıq-awqat sanaatı yarmarkası bolıp, usı jıldıń 11-14-fevral kúnleri aralıǵında bolıp ótedi hám onda 2550 den aslam tábiyiy hám organikalıq azıq-awqat ónimleri kórgizbege qoyılmaqta.

― Xalıqaralıq bul ilaj Evropa bazarları menen jaqınnan tanısıwǵa hám sırt elli mámleketlik uyımlar, birlespeler, mámleketlik emes shólkemler, jetekshi islep shıǵarıwshılar menen óz-ara tájiriybe almasıwǵa imkaniyat jaratadı.
Ilaj sheńberinde qaraqalpaqstanlı wákiller sırt elli isbilermenler menen birge islesiw hám Qaraqalpaqstanda jetistirilgen boyantamır ónimlerin Germaniyaǵa eksport etiw baǵdarında sóylesiwler alıp barmaqta,-deydi basqarma baslıǵı

K.Artıkov.
Ilaj sheńberindegi jumıslar dawam etpekte.
Qaraqalpaqstan xabar agentligi.