AQSh Prezidenti Donald Tramp saylanǵannan berli birinshi márte rossiyalı kásiplesi Vladimir Putin menen Saudiya Arabstanında ushırasıp, Ukraina máselesin dodalaydı, dep jazdı «Politico» basılımı.
Bul haqqında eki jetekshiniń telefon arqalı derlik 90 minutqa sozılǵan sáwbetinen soń málim etildi.
– Aqırı ushırasamız, – dedi Amerika basshısı. – Sóylesiw sánesi belgilenbedi, tek ǵana tez arada bolıp ótiwi anıq.
Oǵada áhmiyetli bul sóylesiwge Saudiya Arabstanınıń miyrasker shahzadası Muhammad bin Salmon da qatnasıwı kútilmekte.
Kreml baspasóz xatkeri Dmitriy Peskov bul temada bılay degen:
– Basshımız AQSh Prezidentin Moskvaǵa mirát etti. Rossiya amerikalı ámeldarlardı tárepler ushın áhmiyetli máseleler, sonıń ishinde, Ukraina menen kelisim teması boyınsha qabıl etiwge tayar ekenin bildirdi.

Qaraqalpaqstan xabar agentligi