Qıtaydıń Shenchjen qalasında futbol boyınsha U-20 saylandı komandaları arasında Aziya chempionatı baslandı.
Chempionattıń birinshi turında Farhod Nishanov basshılıǵındaǵı Ózbekstan saylandı komandası Yemen saylandı komandası futbolshılarına qarsı oyınǵa túsip, óz qarsılasların 1:0 esabında jeńip shıǵıwǵa miyasar boldı.
Ushırasıwdaǵı jeńis tobı 26-minutta saylandı komandamız sárdarı Muhammadali Wrinboev tárepinen urıldı.
Futbol jankúyerleri ushın aytıp ótiwimiz kerek, bul oyında qaraqalpaqstanlı dárwazaman Samandar Muratbaev hám yarım qorǵawshı Muhammedali Reymovlar maydanǵa túspedi.
Endi komandamız aǵzaları óziniń ekinshi oyının 16-fevral kúni indoneziyalı futbolshılarǵa qarsı ótkeredi.

Adilbay Orazov,
Qaraqalpaqstan xabar agentligi sholıwshısı