Máselen, ótken jılı olimpiada sport túrleri boyınsha ótkerilgen jáhán chempionatlarında sportshılarımız 58 medaldı qolǵa kirgizdi. Biraq Nawayı, Surxandárya hám Qashqadárya sportshıları bul chempionatlarda birde-bir medal almaǵan.
Parij Olimpiadası hám Paralimpiada oyınlarına qolǵa kirgizilgen licenziyalar Nawayı hám Qaraqalpaqstanda eń az.
Sonlıqtan kózqaraslardı házirden ózgertip, jaslardı sportqa, ásirese, olimpiada sport túrlerine tayarlaw, olardı selekciyalaw, qábiletli sportshı hám trenerlerdi xoshametlew boyınsha pútkilley jańa sistema jaratıw zárúrligi kórsetip ótildi.
Sportta ádillik ornatıw, sportshı hám trenerlerge payda alıp keliw hám tarawdı sanlastırıw juwapkerler, sport federaciyaları basshıları hám hákimlerdiń jumısın bahalawda baslı norma bolatuǵını belgilep alındı.

Qaraqalpaqstan xabar agentligi