Prezident basshılıǵında videoselektor májilisi dawam etpekte.
Sońǵı jılları sportqa jeke menshik sektor kirip keldi.
Biraq olimpiada sport jarısları elege shekem tek ǵana mámleketlik sport mektepleri arasında ótkerilmekte. Yaǵnıy, bul jarıslar jeke menshik klublar ushın jabıq. Jeke menshik klublar tek ǵana olimpiadalıq emes sport jarıslarında qatnasıp júriwge májbúr.
Mámleketlik sport mekteplerine úlken qarjı berilmekte. Biraq, saylandı komandalardaǵı jaslardıń tek ǵana 20 procenti usı mekteplerden shıqpaqta.
Endigiden bılay jeke menshik sport klublarınıń birden-bir reestriniń júrgiziliwi, olardıń jumısı boyınsha standart hám normalar jaratılıwı belgilendi. Jaslardıń qamtılıw dárejesine qarap klublarǵa biypul sport úskeneleri ajıratıladı. Jeke menshik trenerlerge ózin-ózi bánt etiw huqıqı beriledi.
Áhmiyetlisi, jeke menshik klublardaǵı jaslarımız barlıq jarıslarda óziniń atınan qatnasıwı múmkin boladı hám nátiyjesine qarap saylandı komandalarǵa qabıl etiledi.
Sonday-aq, Tashkent qalasında 5, wálayatlarda 1 ewden tómen quwatlıqlarda islep atırǵan sport mektebin jeke menshik sheriklikke beriw boyınsha joybarlardı baslawǵa kórsetpe berildi.

ÓzA