Los-Andjeles-2028 Olimpiada oyınlarında kúshli onlıqqa kiriw maqset etilgen. Bul ushın juwapker basshılardan baslap, rayon hákimlerine shekem hámme qattı islewi kerekligi atap ótildi.
Olimpiada oyınlarındaǵı tariyxımız tek ǵana jeke gúres sport túrleri menen jazılıp atırǵanı kórsetip ótildi. Keyingi Olimpiadada tek ǵana 5 sport túri – boks, dzyudo, taekvondo, awır atletika hám erkin gúres boyınsha medal qolǵa kirgizildi.
Sport federaciyalarınıń hár birine ministrler hám respublika shólkemleriniń basshıları saylanǵan, biraq ayırımlarınıń jumısı potencialǵa iye emes ekeni atap ótildi.
Wálayat, rayon, máhállege barǵanda, sportshı hám trenerler menen ushırasıw, olardıń mashqalasın sheshiw, sırt elli yamasa xalıqaralıq federaciya basshıları menen birge islesiw, sportshı hám trenerlerdi oqıw shınıǵıwlarına jiberiw jumısları tómen ekeni sınǵa alındı.

Qaraqalpaqstan xabar agentligi