Ózbek milliy maqam kórkem óneri orayı Qaraqalpaqstan Respublikası aymaqlıq bólimi Nawayı wálayatına gezektegi gastrolge shıqtı.
Olar Nawayı qalasındaǵı qánigelestirilgen mádeniyat mektebinde óziniń koncert baǵdarlamasın qoyıp berdi.
Álbette, bunday mádeniy, doslıq qatnasıqlardıń bekkemlenip barılıwı, kórkem óner ǵayratkerleriniń qońsı wálayatlarǵa da saparǵa shıǵıp ózleriniń jetiskenliklerin kórsetiwi, pikir alısıwları áhmiyetli bolıp esaplanadı.
Koncert baǵdarlaması dawamında maqam dúrdanaları, milliy qosıqlar, besik jırı, qaraqalpaq xalıq qosıqları hám namaları atqarıldı.

Madina Jumabaeva,
QMU Qaraqalpaq filologiyası hám jurnalistika
fakultetiniń 2-kurs studenti.
Qaraqalpaqstan xabar agentligi