Keshe Qıtaydıń Xarbin qalasında ótkerilip atırǵan qısqı Aziya oyınlarında Ózbekstan sport delegaciyası óziniń dáslepki medalın qolǵa kirgizgeni haqqında xabarlaǵan edik.
Atap aytqanda, figuralı sırǵanaw boyınsha juplıq bellesiwlerinde Dmitriy Chigirev/Ekaterina Geynish tárepinen jeńip alınǵan altın medaldan soń, ulıwma komandalıq esapta saylandı komandamız besinshi orınǵa kóterilip aldı.
Jarısta Qıtay saylandı komandası 31 altın, 26 gúmis hám 22 qola medal menen sıylı birinshi orındı iyelep tur.
Al, ekinshi orındaǵı Qubla Koreya Respublikası delegaciyası esabında bolsa, 12 altın, 13 gúmis hám 12 qola, úshinshi orındaǵı yaponiyalı sportshılarda 7 altın, 7 gúmis hám 13 qola medalı bar.
Qońsılas Qazaqstan Respublikası delegaciyası bolsa, 3 altın, 7 gúmis hám 5 qola medalı menen tórtinshi orındı iyelep kelmekte.

Adilbay Orazov,
Qaraqalpaqstan xabar agentligi sholıwshısı