Mámleketimizde media tarawın jańa texnologiyalar, atap aytqanda, jasalma intellekt arqalı bayıtıw, xalıqaralıq tájiriybelerdi úyreniw baǵdarında keń imkaniyatlar jaratılmaqta.

Ózbekstan Milliy media birlespesi hám Oraylıq Aziya Jasalma intellekt associaiciyası menen birgelikte «Milliy media hám jasalma intellekt: mashqala, sheshim hám perspektivalar» temasında xalıqaralıq konferenciya bolıp ótti. Ilajda media tarawındaǵı zamanagóy texnologiyalar, jasalma intellekttiń rawajlanıw tendenciyaları hám olardıń jámiyetke tásiri hám perspektivaları dodalandı.
Konferenciyada Ózbekstan Milliy media birlespesi basqarması baslıǵı professor Sherzodhon Qudrathwja, AICA basqarmasınıń baslıǵı Vladimir Norov, xalıqaralıq ekspert Adren Huget hám basqa abıraylı tarawdıń xızmetkerleri hám ǴXQ wákilleri qatnastı.
Ilaj dawamında ekspertler tárepinen mámleketlik emes telekanallarda jasalma intellektten paydalanıwdıń huqıqıy tiykarları hám perspektivaları, media kontentti sanlastırıw máseleleri dodalandı.
Konferenciya sheńberinde media tarawında jasalma intellektti engiziwdiń abzallıqları, dus kelip atırǵan mashqalalar hám perspektivadaǵı rejelerge baǵıshlanǵan plenar májilis bolıp ótti.
Sonday-aq, Ózbekstan Milliy media birlespesi hám Oraylıq Aziya Jasalma intellekt associaciyası arasında birge islesiw memorandumına qol qoyıldı.
Bul xalıqaralıq konferenciya jasalma intellekt texnologiyalarınıń media tarawında qollanılıwı, onıń abzallıqları hám keleshektegi imkaniyatların tereń tallaw hám media industriyasınıń sanlı transformaciyasına úles qosıw ushın áhmiyetli platforma boldı.

Abdulaziz RUSTAMOV, ÓzA