12-fevral kúni Oliy Majlis Senatınıń Baslıǵı Tanzila Norboeva Evropa Awqamınıń Ózbekstandaǵı Elshisi Toyvo Klaar menen ushırastı.

Sóylesiw dawamında Ózbekstan hám Evropa Awqamına aǵza mámleketler arasındaǵı strategiyalıq qatnasıqlar jańa basqıshqa kóterilgeni atap ótildi.
EAnıń GSP+ sisteması sheńberinde sawda, ekonomika, bilimlendiriw, medicina, innovaciya tarawlarındaǵı birge islesiw joybarların keńeytiw máseleleri dodalandı.
Mámleketimizde insan huqıqların, gender teńlikti támiyinlewge hám puqaralıq institutlarınıń imkaniyatlarınan keńirek paydalanıwǵa qaratılǵan jumıslar ayrıqsha atap ótilip, bul baǵdarda rawajlanǵan mámleketlerdiń tájiriybelerin úyreniw boyınsha pikir alısıldı.
Sonıń menen birge, Evropa Awqamına aǵza mámleketler menen parlamentleraralıq qatnasıqlardı kúsheytiw sonıń menen birge, nızam dóretiwshiligi hám parlament qadaǵalawın jetilistiriwge baylanıslı birge islesiw baǵdarlamaların jolǵa qoyıwǵa kelisip alındı.

Qaraqalpaqstan xabar agentligi