7-11-fevral kúnleri aralıǵında sporttıń «Oq jaydan oq atıw» túri boyınsha Qaraqalpaqstan Respublikası chempionatı bolıp ótti.
Jarısqa respublikamızdıń barlıq aymaqlarınan eń kúshli sportshılar qatnastı.
Qızıqlı ótken bellesiwler juwmaǵında, ulıwma komandalıq esapta Bozataw rayonı sport mektebi tárbiyalanıwshıları birinshi orındı jeńip alıp, Qaraqalpaqstan Respublikası chempionı ataǵına miyasar boldı.
Sıylı ekinshi hám úshinshi orınlar bolsa, Taxtakópir hám Qaraózek rayonı komandalarına nesip etti.
-Shákirtlerimniń erisken bul tabısınan oǵada quwanıshlıman, deydi Bozataw rayonı sport mektebiniń treneri Rinat Dosjanov.-Aldaǵı waqıtları olar menen birge, Ózbekstan chempionatında da jeńimpazlıqtı qolǵa kirgiziwge háreket etemiz.

Adilbay Orazov,
Qaraqalpaqstan xabar agentligi sholıwshısı