Búgin Qıtaydıń Xarbin qalasında ótkerilgen qısqı Aziya oyınları Ózbekstan sport delegaciyası ushın tabıslı keldi.

Atap aytqanda,figuralı sırǵanaw boyınsha elimiz abırayın qorǵap atırǵan Dmitriy Chigirev hám Ekaterina Geynish juplıǵı barlıq qarsılasların artta qaldırıp, altın medaldı jeńip alıwǵa miyasar boldı.
Atap aytqanda, komandamız aǵzaları qısqa baǵdarlamalarda 64,55, erkin shınıǵıwlarda 111,88, ulıwmalıq esapta 176,43 upay toplawǵa eristi.
Jarıstıń ekinshi hám úshinshi orınları Yaponiya hám arqa koreyalı sportshılarǵa nesip etti.

Adilbay Orazov,
Qaraqalpaqstan xabar agentligi sholıwshısı