Mámleketimizde qıytaq jerdi dáramat deregine aylandırǵan watanlaslarımız kópshilikti quraydı. Eń quwanıshlısı olardıń sanı kúnnen-kúnge artıp barmaqta.

Buǵan bir mısal retinde, Ámiwdárya rayonı Babur atındaǵı awılda jasawshı Nızamatdin Qulımbetovtı keltirsek boladı. Ol qıytaq jeriniń 3 sotıx jer maydanında ıssıxana shólkemlestirgen. Bul jerde limon jetistiriw menen shuǵıllanıp kelmekte.
– Íssıxanamızda 60 túpten aslam limon nálleri bar. Hár bir túpten 25-40 kilogrammǵa shekem miywe alamız ,- deydi ol.
Ámiwdárya rayon hákimi S.Xojametov hám sektor basshıları N.Qulımbetovtıń shańaraǵında bolıp, limon jetistiriwdi bunnan bılay da rawajlandırıw, awıl xalqına keńnen úgit-násiyatlaw boyınsha usınıslar berildi.

Qaraqalpaqstan xabar agentligi