Jáhán densawlıqtı saqlaw shólkemi balalardı onkologiyalıq keseliklerden biypul emlew boyınsha jańa baǵdarlamanı iske qostı.

Oǵan bola, usı pilot joybarda qatnasıwshı mámleketlerdegi nawqas ul-qızlar rakqa qarsı joqarı sapalı dári quraları menen úzliksiz támiyinlenedi.

Birlesken Milletler Shólkeminiń maǵlıwmatlarına bola, farmacevtika  ónimleriniń dáslepki partiyası  Mongoliya hám Ózbekstanǵa, keyingi basqıshta Еkvador, Iordaniya, Nepal hám Zambiyaǵa jetkeriledi. Bul haqqında DSM baspasóz xızmeti xabar bermekte.

Ulıwma, usı jıl dawamında bul baǵdarlama altı mámlekettegi keminde 30 emlewxanada emlenip atırǵan 5000 ǵa shamalas balalardı qamtıp aladı.

JDSSh tallawlarında keltirip ótilgenindey, dúnya boyınsha hár jılı derlik 400 mıń ul-qızǵa rak diagnozı qoyılmaqta. Olardıń ómir dawamlılıǵın sozıw hám salamatlıǵın tiklew joqarı nátiyjelilikke iye dári-darmaqlardı talap etedi.

Joybarda qatnasıw ushın jáne altı mámleket mirát etilgen. Ulıwma, aldaǵı 5-7 jıl ishinde bul kórsetkishti 50 ge jetkeriw maqset etilgen. Bul arqalı onkologiyalıq keselliklerden azap shegip atırǵan 120 mıńǵa shamalas balalarǵa biyǵárez medicinalıq járdem kórsetiw múmkin boladı.

ÓzA