Bangladesh paytaxtı Dakka qalasında amputantlar arasında ótkerilgen Aziya chempionatı óz juwmaǵına jetti.
Turnir jeńimpazlıǵı ushın tiykarǵı dawagerlerdiń biri bolǵan Ózbekstan saylandı komandası aǵzaları ózlerine bildirilgen isenimdi tolıq aqlap, Aziya chempionı ataǵın jeńip alıwǵa miyasar boldı.
Atap aytqanda, komandamız altın medal ushın bolǵan bellesiwde Indoneziya saylandı komandası menen ushırasıp, óz qarsılasların 6:0 esabında jeńip shıqtı.
Ushırasıwda komandamız sárdarı Abdujamil Shukurov xet-trikka erisken bolsa, Aziz Abdurahmonov eki gol urıwǵa miyasar boldı. Jáne bir gol bolsa, Qudrat Xudoyqulovtıń esabına jazıldı.

Adilbay Orazov,
Qaraqalpaqstan xabar agentligi sholıwshısı